दाङ – देउखुरी उद्योग वाणिज्य संघ लमहीले दशैं तिहार र छठ पर्व लक्षित मिनि मेला कार्यक्रम गर्ने भएको छ ।
संघको शनिबार बसेको बैठकले चाडवाड लक्षित कार्यक्रमको आयोजना गर्न लागेको अध्यक्ष खगेश्वर खनालले जानकारी दिए । सबै तयारी भएपछी मिनिमेलाको उद्घाटन गरिने अध्यक्ष खनालको भनाई छ ।
स्थानीय व्यापार व्यवसायलाई प्रवर्द्धन गर्नका लागि यो मिनिमेला कार्यक्रम गर्न लागेको अध्यक्ष खनालको भनाई छ । मिनिमेलामा साँस्कृतिक कार्यक्रम, मिक्की माउस, मोटु पात्लु, लमही बजारका मुख्य चोकमा आकर्षक गेट सजिसजावट गरिने, वम्पर उपहारमा १५० सिसीको मोटरसाइकल, एलइडी ३२ इन्चको स्मार्ट टेलिभिजन, फ्रीज, सुनका चन्द्रमा लगायत अन्य विभिन्न आकर्षक उपहार राखिने भएको छ ।
शनिबार बसेको बैठकले संघका अध्यक्ष खगेश्वर खनालको संयोजकत्वमा सत्र सदस्यीय रहेको मिनिमेला मुलसमिति गठन गरिएको छ । मिनिमेलालाई सफल बनाउनका लागि विभिन्न उपसमिति गठन गरिने भएको छ ।
प्रतिक्रिया दिनुहोस्