दाङ–पूर्व पश्चिम राजमार्गको भालुबाङ्ग चन्द्रौटा सडक खण्डमा खोलाले बगाउदा दुई जनाको मृत्यु भएको छ। प्युठानको स्वर्गद्वारी मन्दिरको दर्शन गरेर फर्किदै गरेका दुई भारतीय नागरिकको सुरई खोलाले बगाउँदा मृत्यु भएको हो ।
भारतको सिद्धार्थनगर जिल्ला बलरामपुरका १७ वर्षीय निखिल कौशाल र सोही ठाउँका १८ वर्षीय सुरज सोनीको खोलाले बगाउदा मृत्यु भएको वडा प्रहरी कार्यालय चन्द्रौटाका सई तारा खनालले जानकारी दिए ।
लु २ ख २७१६ नम्बरको फोर्स गाडिबाट फर्किदै गरेका उनीहरु कपिलवस्तुको शिवराज नगरपालिका–१ मा पर्ने धानखोलामा पहिरो जान थालेपछि चालकले गाडीबाट ओर्लन भनेका थिए।
त्यसपछि कौशल र सोनी गाडीबाट ओर्लिएर भाग्ने क्रममा पहिरा खोलाले बगाएर सुरही खोलामा पुर्याएको थियो । बिहान बेपत्ता भएका दुई जनाको शव फेला परेको प्रहरीले पुष्टि गरेको छ । मृतकका आफन्त प्रहरी सम्पर्कमा आएका छन्।
प्रतिक्रिया दिनुहोस्